ਮੰਤਰੀ ਮੰਡਲ ਨੇ 19,142 ਕਰੋੜ ਰੁਪਏ ਦੇ ਨਾਸਿਕ-ਸੋਲਾਪੁਰ-ਅੱਕਲਕੋਟ ਛੇ-ਮਾਰਗੀ ਗ੍ਰੀਨਫੀਲਡ ਕੋਰੀਡੋਰ ਨੂੰ ਦਿੱਤੀ ਪ੍ਰਵਾਨਗੀ

2 hours 31 minutes ago

ਨਵੀਂ ਦਿੱਲੀ, 31 ਦਸੰਬਰ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਆਰਥਿਕ ਮਾਮਲਿਆਂ ਬਾਰੇ ਕੈਬਨਿਟ ਕਮੇਟੀ (ਸੀ.ਸੀ.ਈ.ਏ.) ਨੇ 19,142 ਕਰੋੜ ਰੁਪਏ ਦੀ ਕੁੱਲ ਲਾਗਤ ਨਾਲ ਮਹਾਰਾਸ਼ਟਰ ਦੇ ਨਾਸਿਕ, ਸੋਲਾਪੁਰ ਅਤੇ ਅੱਕਲਕੋਟ ਨੂੰ ਜੋੜਨ ਵਾਲੇ ਛੇ-ਮਾਰਗੀ, ਪਹੁੰਚ-ਨਿਯੰਤਰਿਤ ਗ੍ਰੀਨਫੀਲਡ ਕੋਰੀਡੋਰ ਦੇ ਨਿਰਮਾਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। 374 ਕਿਲੋਮੀਟਰ ਲੰਬਾ ਇਹ ਪ੍ਰੋਜੈਕਟ ਬਿਲਡ-ਓਪਰੇਟ-ਟ੍ਰਾਂਸਫਰ (ਬੀ.ਓ.ਟੀ.) ਟੋਲ ਮੋਡ 'ਤੇ ਵਿਕਸਤ ਕੀਤਾ ਜਾਵੇਗਾ ਅਤੇ ਇਸ ਦਾ ਉਦੇਸ਼ ਪ੍ਰਧਾਨ ਮੰਤਰੀ ਗਤੀ ਸ਼ਕਤੀ ਰਾਸ਼ਟਰੀ ਮਾਸਟਰ ਪਲਾਨ ਦੇ ਤਹਿਤ ਭਾਰਤ ਦੇ ਏਕੀਕ੍ਰਿਤ ਆਵਾਜਾਈ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕਰਦੇ ਹੋਏ ਖੇਤਰੀ ਅਤੇ ਅੰਤਰ-ਰਾਜੀ ਸੰਪਰਕ ਨੂੰ ਬਿਹਤਰ ਬਣਾਉਣਾ ਹੈ।

ਪ੍ਰਸਤਾਵਿਤ ਕੋਰੀਡੋਰ ਨਾਸਿਕ, ਅਹਿਲਿਆਨਗਰ ਅਤੇ ਸੋਲਾਪੁਰ ਸਮੇਤ ਪ੍ਰਮੁੱਖ ਖੇਤਰੀ ਕੇਂਦਰਾਂ ਨੂੰ ਕੁਰਨੂਲ ਨਾਲ ਜੋੜੇਗਾ। ਇਸ ਨੂੰ ਮੁੱਖ ਰਾਸ਼ਟਰੀ ਰਾਜਮਾਰਗਾਂ ਅਤੇ ਐਕਸਪ੍ਰੈਸਵੇਅ ਨਾਲ ਜੋੜਨ ਦੀ ਯੋਜਨਾ ਹੈ, ਜਿਸ ਵਿਚ ਵਧਾਵਨ ਪੋਰਟ ਇੰਟਰਚੇਂਜ ਦੇ ਨੇੜੇ ਦਿੱਲੀ-ਮੁੰਬਈ ਐਕਸਪ੍ਰੈਸਵੇਅ, ਨਾਸਿਕ ਵਿਖੇ ਆਗਰਾ-ਮੁੰਬਈ ਕੋਰੀਡੋਰ ਅਤੇ ਪਾਂਗਰੀ ਦੇ ਨੇੜੇ ਸਮਰੁੱਧੀ ਮਹਾਂਮਾਰਗ ਸ਼ਾਮਿਲ ਹਨ। ਇਕ ਵਾਰ ਪੂਰਾ ਹੋਣ 'ਤੇ, ਇਹ ਲਾਂਘਾ ਭਾਰਤ ਦੇ ਪੱਛਮੀ ਅਤੇ ਪੂਰਬੀ ਤੱਟਾਂ ਵਿਚਕਾਰ ਨਿਰਵਿਘਨ ਸੰਪਰਕ ਪ੍ਰਦਾਨ ਕਰੇਗਾ।