31ਵਾਂ ਅਲੌਕਿਕ ਦਸਮੇਸ਼ ਮਾਰਚ ਸਮਾਪਤ, ਵੈਰਾਗ ਦੀ ਭਾਵਨਾ ਨਾਲ ਨਤਮਸਤਕ ਹੋਈਆਂ ਸੰਗਤਾਂ
ਜਗਰਾਓਂ, 4 ਜਨਵਰੀ (ਕੁਲਦੀਪ ਸਿੰਘ)- ਦਸਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਦੇ ਪਰਿਵਾਰ ਦੀਆਂ ਅਦੁੱਤੀ ਸ਼ਹਾਦਤਾਂ ਨੂੰ ਸਮਰਪਿਤ 31ਵਾਂ ਵਿਸ਼ਾਲ ਅਲੌਕਿਕ ਦਸਮੇਸ਼ ਪੈਦਲ ਮਾਰਚ ਅੱਜ ਅੰਮ੍ਰਿਤ ਵੇਲੇ ਗੁਰਦੁਆਰਾ ਪਾਤਸ਼ਾਹੀ ਦਸਵੀਂ ਟਾਹਲੀਆਣਾ ਸਾਹਿਬ ਰਾਏਕੋਟ ਤੋਂ ਰਵਾਨਾ ਹੋ ਕੇ ਇਤਿਹਾਸਕ ਗੁਰਦੁਆਰਾ ਮੈਹਦੇਆਣਾ ਸਾਹਿਬ ਸਮਾਪਤ ਹੋ ਗਿਆ।
ਜੈਕਾਰਿਆਂ ਦੀ ਗੂੰਜ ਅਤੇ ਵੈਰਾਗਮਈ ਕੀਰਤਨ ਦੀਆਂ ਧੁਨਾਂ ਵਿਚ ਡੁੱਬੀਆਂ ਸੰਗਤਾਂ ਨੇ ਗੁਰੂ ਜੀ ਦੀ ਅਦੁੱਤੀ ਕੁਰਬਾਨੀ ਅਤੇ ਪਰਿਵਾਰ ਵਿਛੋੜੇ ਦੀ ਗਾਥਾ ਨੂੰ ਨਤਮਸਤਕ ਹੋ ਕੇ ਸਿਜਦਾ ਕੀਤਾ। ਸੰਗਤਾਂ ਦੀਆਂ ਅੱਖਾਂ ਨਮ ਅਤੇ ਮਨ ਵੈਰਾਗ ਨਾਲ ਭਰ ਗਏ। ਪੰਜ ਪਿਆਰੇ ਸਾਹਿਬਾਨਾਂ ਦੀ ਅਗਵਾਈ ਵਿਚ ਚੱਲ ਰਹੇ ਇਸ ਮਾਰਚ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਸੁੰਦਰ ਪਾਲਕੀ ਹਰ ਸੰਗਤ ਨੂੰ ਨਿਹਾਲ ਕਰ ਰਹੀ ਸੀ, ਜਿਵੇਂ ਅੰਦਰੂਨੀ ਰੂਹ ਨੂੰ ਅੰਮ੍ਰਿਤ ਵਰਖਾ ਕਰ ਰਹੀ ਹੋਵੇ।
ਘੋੜੇ, ਊਠ ਅਤੇ ਰਣਜੀਤ ਨਗਾਰੇ ਦੀ ਗੂੰਜ ਨਾਲ ਸਜੀਆਂ ਸੁੰਦਰ ਝਾਕੀਆਂ ਖਿੱਚ ਦਾ ਕੇਂਦਰ ਸਨ। ਵੈਰਾਗਮਈ ਕੀਰਤਨ ਦੀਆਂ ਧੁਨਾਂ ਵਿਚ ਡੁੱਬੀਆਂ ਸੰਗਤਾਂ ਨੇ ਗੁਰੂ ਜੀ ਦੀ ਅਦੁੱਤੀ ਸ਼ਹਾਦਤ ਅਤੇ ਸਿੱਖਾਂ ਦੀ ਕੁਰਬਾਨੀ ਨੂੰ ਸਿਜਦਾ ਕੀਤਾ, ਜਿਵੇਂ ਧਾਰਮਿਕ ਆਸਥਾ ਦੀ ਇਕ ਅਲੌਕਿਕ ਲਹਿਰ ਨੇ ਸਾਰੇ ਵਾਤਾਵਰਣ ਨੂੰ ਪਵਿੱਤਰ ਕਰ ਦਿੱਤਾ ਹੋਵੇ। ਬਾਬਾ ਕੁਲਵੰਤ ਸਿੰਘ ਲੱਖਾ ਨੇ ਕਿਹਾ ਕਿ ਇਹ ਮਾਰਚ ਆਉਣ ਵਾਲੀਆਂ ਪੀੜ੍ਹੀਆਂ ਵਿਚ ਧਾਰਮਿਕ ਆਸਥਾ ਅਤੇ ਕੁਰਬਾਨੀ ਦੀ ਰੂਹ ਨੂੰ ਵੀ ਜਗਾਉਂਦਾ ਹੈ।
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
