ਈਰਾਨ ਦੀ ਦੌਲਤ ਆਪਣੇ ਲੋਕਾਂ ਨੂੰ ਵਾਪਸ ਕਰਨੀ ਚਾਹੀਦੀ ਹੈ- ਰਜ਼ਾ ਪਹਿਲਵੀ

ਤਹਿਰਾਨ [ਈਰਾਨ], 15 ਮਾਰਚ (ਏਐਨਆਈ): ਜਿਵੇਂ ਕਿ ਪੱਛਮੀ ਏਸ਼ੀਆ ਵਿਚ ਤਣਾਅ ਵਧਦਾ ਜਾ ਰਿਹਾ ਹੈ, ਈਰਾਨ ਦੇ ਜਲਾਵਤਨ ਕ੍ਰਾਊਨ ਪ੍ਰਿੰਸ ਰਜ਼ਾ ਪਹਿਲਵੀ ਨੇ ਈਰਾਨ ਵਿੱਚ ਇਕ ਪ੍ਰਸਤਾਵਿਤ ਪਰਿਵਰਤਨਸ਼ੀਲ ਪ੍ਰਣਾਲੀ ਲਈ ਪੰਜ-ਨੁਕਾਤੀ ਆਰਥਿਕ ਏਜੰਡਾ ਪੇਸ਼ ਕੀਤਾ, ਜਿਸ ਵਿਚ ਭ੍ਰਿਸ਼ਟਾਚਾਰ ਨੂੰ ਖ਼ਤਮ ਕਰਨ, ਵਿਦੇਸ਼ਾਂ ਵਿਚ ਪਈਆਂ ਰਾਸ਼ਟਰੀ ਸੰਪਤੀਆਂ ਨੂੰ ਮੁੜ ਪ੍ਰਾਪਤ ਕਰਨ ਅਤੇ ਦੇਸ਼ ਦੀ ਦੌਲਤ ਨੂੰ ਈਰਾਨੀ ਨਾਗਰਿਕਾਂ ਲਈ ਬੁਨਿਆਦੀ ਢਾਂਚੇ, ਸਿਹਤ ਸੰਭਾਲ, ਸਿੱਖਿਆ ਅਤੇ ਆਰਥਿਕ ਰਿਕਵਰੀ ਵੱਲ ਮੁੜ ਨਿਰਦੇਸ਼ਤ ਕਰਨ ਦਾ ਵਾਅਦਾ ਕੀਤਾ ਗਿਆ।
"ਹਮਵਤਨਾਂ" ਨੂੰ ਸੰਬੋਧਿਤ ਇਕ ਸੰਦੇਸ਼ ਵਿਚ, ਪਹਿਲਵੀ ਨੇ ਕਿਹਾ ਕਿ ਹਾਲਾਂਕਿ ਈਰਾਨ ਇਕ "ਅਮੀਰ, ਪ੍ਰਤਿਭਾਸ਼ਾਲੀ ਅਤੇ ਮਾਣਮੱਤਾ" ਰਾਸ਼ਟਰ ਹੈ, ਇਸ ਦੇ ਲੋਕ ਇਸਲਾਮੀ ਗਣਰਾਜ ਦੇ "ਭ੍ਰਿਸ਼ਟਾਚਾਰ, ਅਯੋਗਤਾ ਅਤੇ ਲਾਪਰਵਾਹੀ ਵਾਲੇ ਸਾਹਸ" ਕਾਰਨ ਗ਼ਰੀਬ ਹੋ ਗਏ ਹਨ, ਉਨ੍ਹਾਂ ਕਿਹਾ ਕਿ "ਇਸ ਦਾ ਅੰਤ ਹੋਣਾ ਚਾਹੀਦਾ ਹੈ।"
ਯੋਜਨਾ ਦੀ ਰੂਪਰੇਖਾ ਦਿੰਦੇ ਹੋਏ, ਪਹਿਲਵੀ ਨੇ ਕਿਹਾ ਕਿ ਪਰਿਵਰਤਨਸ਼ੀਲ ਪ੍ਰਣਾਲੀ ਪਹਿਲਾਂ "ਸਾਡੇ ਦੇਸ਼ ਦੀ ਆਰਥਿਕਤਾ ਨੂੰ ਫ਼ੌਜੀ ਅਤੇ ਅਰਧ ਸੈਨਿਕ ਬਲਾਂ ਅਤੇ ਆਰਥਿਕ ਅਪਰਾਧੀਆਂ ਦੀ ਪਕੜ ਤੋਂ ਮੁਕਤ ਕਰੇਗੀ ਅਤੇ ਇਸ ਨੂੰ ਨਾਗਰਿਕਾਂ ਅਤੇ ਹਿੱਸੇਦਾਰਾਂ ਨੂੰ ਵਾਪਸ ਕਰੇਗੀ। ਉਨ੍ਹਾਂ ਨੇ ਜ਼ਬਤ ਕੀਤੀਆਂ ਗਈਆਂ ਈਰਾਨੀ ਸੰਪਤੀਆਂ ਨੂੰ ਮੁੜ ਪ੍ਰਾਪਤ ਕਰਨ ਦੇ ਯਤਨਾਂ ਦਾ ਵੀ ਵਾਅਦਾ ਕੀਤਾ। ਇਹ ਪਰਿਵਰਤਨਸ਼ੀਲ ਪ੍ਰਣਾਲੀ ਈਰਾਨ ਦੀ ਵਿਦੇਸ਼ਾਂ ਵਿਚ ਜਮ੍ਹਾ ਕੀਤੀ ਗਈ ਦੌਲਤ ਨੂੰ ਵਾਪਸ ਪ੍ਰਾਪਤ ਕਰੇਗੀ ਅਤੇ ਇਸ ਨੂੰ ਈਰਾਨੀ ਨਾਗਰਿਕਾਂ ਨੂੰ ਵਾਪਸ ਕਰ ਦੇਵੇਗੀ ।